好勁呀~!! 6日已經開眼仔喇~! 一般性, 大多要十日左右!  証明啲BB好健康啦~! 開左眼後既BB特別可愛呀!~

我阿爸名副其實係羽毛球會會長呀~! 前排我兩個同事興起, 話要去打羽毛球~ 我咪叫我阿爸幫我book場囉~! 哈~ 佢又話黎打埋一份, 仲幫我哋帶埋拍同羽毛球添~! 嘩~! 呢兩個鐘既時間真係難過, 未試過如此咁累~! 之前打乒乓球, 行山, 游水都冇咁累~! 事關一來我哋唔識打, 二來要通場跑跑跳跳~! 就算係我哋係三對一呀~! 嘩~! 都輸到落花流水呀~! 成日執波呀~! 俾我阿爸玩到通場走呀~! 打到個幾鐘, 都行唔郁呀~! 打羽毛球呢種運動真係易學難精, 入面都有好深既學問, 想學得叻啲, 真係要向我阿爸虛心啲學習吓呀~!

呢幾日心情, 不覺意地好返好多~ 但係..唔係因為壓力少左, 唔係因為工作少左, 唔係令我困擾既問題解決左~ 好奇怪! 事實地同我男友近呢幾次出黎, 佢係我身邊, 無刻意特別地做個任何野, 都係行吓街, 閒談幾句, 我都估唔到地情緒穩定返啲, 開心返啲, 樣子都寬容返好多~ 應該係件好事~ 但係… 竟然, 我唔想開心返~ 可能因為我覺得每日我大部份係公司既時間中, 之前不穩定既情緒比較適合我處於既工作環境, 因為已經好心死.. 開心返既心情, 好似唔係咁適合~! 個感覺好怪! 對人好, 對事好, 真係好怪.. 一個笑容與一個呆滯樣子出現既表露, 只係相差一啲事情既好壞, 一啲煩惱想通與否~ 感覺真係唔好受~ 係啲唔好受既感覺加點疑心, 係麻目, 無heart! 呢一個過渡期, 幾耐唔知? 但有啲野總一定要面對, 遲啲就會知答案..~

我老鄉? 咪屯門囉~!星期日果日好即興咁, 返咗去我以前讀果間中學後面既青山寺度行, 都真係好模糊個入口係邊喇! 打去問左2個舊同學, 哈~! 都異同聲:'咪玩啦~ 咁鬼耐, 邊度記得呀~!” 哈~! 咪跟住, 我走返去學校後門度, 見到個校工, 咪大叫問應該點行囉~! 我仲話佢知我以前係度讀書添~! 哎吔~! 俾佢串返我轉頭, 你係咪呃我呀? 仲話以前係度讀書既? 點會唔知呀? …… So, 唯有我問佢駛唔駛我唱一吓校歌俾你聽証明吓呀? 哈~! 最終, 個校工都好好, 教左我點行~!

過往我行山, 其實覺得同去旅行冇分別~! 都係沿住條路黎行啫~! 要有充足既準備咩? 或許, 我低估左呢項運動?? 哈~ 可能身邊既朋友都唔會話正正式式咁玩呢種運動~ 

不過今次最特別既, 莫過於係同我男友去啦~ 又係咁啱佢又諗住係屯門行, 所以就更加開心啦~! 沿途遠望屯門既風景好靚, 望到我以前住既地方, 又望到我以前我讀書既地方, 又望到以前同同學成日去玩既地方, 好多回憶~! 嘻嘻~ 諗住跟住個行慣山既人帶路, 實無死啦~! 唔駛諗咁多, 一味跟住佢~ 哎吔~! 點知佢帶錯路喎~! OH~…… 呢個故事教罰係, 行山既野呢, 雖則係一種放鬆自己既運動, 但都係專心一意啲自己既路線, 咪好容易俾其他野所擾亂, 例如呢… 同啲阿叔阿嬸傾計呀… 望吓啲好靚既風景呀..咁! 阻誤左自己要去既目的地掃興就唔好啦~! 哈哈~! 不過..都係講笑啫~! 有啲野唔係一定要達到個目標既, 享受當中既過程最緊要嘛~~!

埋數喇~! 好多人成日都問我家下有幾多隻貓養緊~! 答案係10隻! 唔好再問我住喇~!

唔係養開貓既人, 唔講唔知, 其實貓都會有唔同既性格, 細心啲留意吓就知架喇~! 

囡囡: 俾我寵壞既大家姐, 第1隻養架嘛, 知道自己地位與別不同嘛! 蝦蝦霸霸! 見慣大場面! 佢唔覺得自己係貓架~!

B B: 最要人錫既貓, 當佢需要你錫時, 就會好嗲咁叫, 坐埋你大腿上! 同佢既名一樣啦, 永遠都係當自己係BB仔呀~! 見到陌生人即閃!

咪咪: 最痴我既貓, 可能佢知道, 當佢得十日大時, 隻眼有事, 我不離不棄咁醫佢, 照顧佢! 我去邊跟去邊! 但係脾氣唔好, 成日同其牠貓打交~!

小淘: 最與別不同既貓, 有個性, 好保護自己! 明精眼企! 好識時勢! 有時眼啤啤! 嘴喵喵咁! 尤其是有BB時, 就特別嚣張~

Pooh Pooh: 最識留意主人眼神既貓, 明白主人既指示, 能感受主人對佢愛護~ 一隻好MAN既貓!

小豆: 自得其樂既貓, 可愛!

賓賓: 自小最識搵地方收藏自己, 以前每天都會同我玩捉迷藏! 但怕事~! 驚青! 佢會含情默默咁望住我要我摸佢~

Lo Lo: 最精靈健康既貓, 得到佢阿媽既遺傳~ 好受抱! 八卦!

叮噹: 溫文既靚女, 毛毛又特別滑同靚, 淑女型~

Pe Pe: 係一隻親善貓, 佢同到每一隻貓都做到friend, 唔單企嗲主人, 其牠貓都會嗲~ 與世無爭~!

哈~! 由細到大, 我阿爸靜係錫我呢個女咋嘛~! 家吓見到佢對佢女友咁好, 哼~ 有時話要去邊度, 都跟佢女友走, 唔再聽我呢個寶貝女話喇~! 哈~! 真係有啲醋意~! 我對住我阿爸第一次有咁既感覺~! 回想起我剛拍拖既時候, 我阿爸又會唔會醋意呢?

女人就係咁架喇~! 呷醋係女人既天性, 就算有幾大方既女人, 都會係咁~! 小心啲呀~! 女人通常會將佢既醋意, 全部都會記錄在案, 一到有適當既時機, 哈~! 就會慢慢朗誦出黎架喇~! 男人都會有架, 有時仲會比大, 不過就好快就有反應, 轉個頭就會俾人罰話架喇~!

不過, 嘻~! 有適當既醋意係好既~! 用黎調吓情都幾好丫~! 其實對某人有醋意, 都係因為緊張對方及對方係自己心目中有個位置啫~!

尋晚一返到屋企, 小淘已經生左佢第三胎既小貓(下午4點幾出世)~ 今次佢個肚比之前大啲~ 今次好叻~! 生左3隻~! 2男1女, 今次頭一胎生女~! 2隻帶虎紋係仔, 1隻豹點既係女~ 今胎既BB又係好健康, 已經識四圍爬喇~! 小淘生BB果然有一手吓~!