一啲好普通既事, 點解要有心隱瞞呢? 真係唔明白~ 有心令到我難受? 定係表達一種唔滿意既態度呢? 唉~!

唉~~! 呢個幾星期真係忙得好緊要, 個人都就黎癲呀~! 好大壓力~! 不停追人數, 又不停俾人追數~! 打出打入既電話… 忙到連飲水都冇時間喇~! 近過年就係咁喇~! 真係透唔到氣~~! 可能多野過頭, 返到屋企都係一片空白, 俾人問我今日做過啲乜, 我都諗唔返喇呀~!

從前都係因為雙方個feel好同埋開心先會keep到啫~ feel到令到相方感覺都唔好, 大家點會仲放係身邊丫~~! 做人都係果個宗旨, 最緊要開心, 係自己好, 係其他人好, 令到大家辛苦同唔開心既, 再做任何事, 都係冇意思, 冇值價! 何必自討沒趣, 再繼續落去呢? 對方同自己既想法並唔一致, 可以點呢? 再執著落去? 定係發悔氣呢? 人大左, 好多野都豁達左, 我情, 人哋唔願既野, 我唔會做! 人哋可能都未必會受!~ 只當你可能係做戲啫~! 令到人哋對自己失左信任, 勉強落去都冇意思啦~

每個人都會有自己既決擇! 每個人既諗法都唔同! 我唔鍾意勉強人, 唔會再追喇! 自然發展就最好啦~ 最緊要個心舒服~ 過去既, 我唔會後悔, 有就好過冇, 自己有用過心, 有投入過, 開心過, 爭取過, 亦有人著緊過, 在乎過~! 有過呢段日子, 仲想點呢? 如果…嘻嘻~~ 可以keep到耐啲就最好啦~~! 最緊要開心嘛!! 就算將來有一日有再聯絡好, 我都祝福佢每一日過得快樂~!

聽日要考筆試喇~~! 初時都好怕會唔pass, 因為好瘀架嘛, 啲人個個話咁簡單咁易, 冇可能唔pass架嘛!! 我係呢幾日先睇書, 睇晒之後, 又覺得真係喎!! 有晒ABCD俾你揀, 問啲好合邏輯既野, 咁都唔pass, 咁都冇得好講啦~!!!

哈!~~我唔知道19歲第一次拍拖叫唔叫遲啦~! 不過係我身邊既朋友當中, 都叫話最先拍拖果個呀!~

可能係第一次拍拖, 有好多回憶都係好深, 由邊度講好呢?? 唔….講下我哋點識先啦~! 我果時仲做緊SALES, 每晚返到屋企必然會開電腦, 果陣好興上Netvigator 既Chat room傾計啦同玩ICQ既, 簡直係上引果隻呀! 每晚唔上到點幾2點都唔捨得OFFLINE呀!~ 當然有識左一班net friend啦~! 我果時玩個年代未有咁雜住, 都係真係正經人黎既….我諗…哈~! 你話見net friend都係玩左成2年度先敢出黎見, 唔夠胆嘛, 又唔知咩野人, 都係傾熟左先夠胆出黎呀! 裏面既net friend有大佬(James),有個吸血鬼阿哥(Kelvin),維維, Thomas, 奈奈, 阿yan, superman, 泡泡龍, 阿表哥steve 添~! 但首先見過既阿大佬James啦~ 佢做保險既~初初出黎做野既我, 見到啲談吐成熟啲既人, 就覺得好叻好有本事架~! 我諗返起果時對人真係好真, 冇乜機心~ 叫老土啦~ 我都幾鍾意果時既自己~! 冇煩腦, 冇壓力~! 果時做sales, 係我做工做得最開心既~! 無論環境好, 人事好, 令我每日都過得好開心, 冇一日唔想返工~!

直到果日黎呀~~! 我大佬James, 約左我未見過既阿哥同埋好似話想追我既Thomas黎銅鑼灣搵我食飯, 哈~~ 都幾好笑~! 憑係ICQ傾果幾句說話就話想追我?? 不過我哋啲邨妹, 一聽都話係外國留學返黎都幾有興趣~! 果日約埋係已結業既總統餐廳度食飯, 其實我當時好緊張, 好似未見過世面咁, 我每一個行為舉動, 都好唔自然~! 聽佢哋話阿James係我未黎之前話我都幾靚女喎~! 哈~ 我知丫, 結果佢哋好失望丫嘛~! 我都覺我唔靚~ 但係唔好講出黎丫嘛~! 因為係話Thomas想追我, 其實我都一直留意住佢, 佢好鬼怕羞, 怕羞過我好多, 其實我唔知佢係咪真係想追我既~ 不過我心態都係隨緣啦~ 要黎既就要黎架啦~! 不過, 哈~ 個主角唔係佢喎~! 真係估都估唔到係我阿哥! 我都唔知道佢幾時開始鍾意我, 我知係佢總係好鍾意同我傾計, 我仲記得, 佢話我係一個好好既聆聽者添!~ 果時佢開既公司剛剛同人拆夥, 又啱啱同女友分手, 我呢啲做阿妹既, 當然安慰吓佢啦~ 佢講左好多我未聽過既事俾我知~! 我好有興趣同佢講野, 我係幾崇拜佢既~! 我最欣賞佢既哋方, 係佢講起正經事黎既投入, 判斷力好強~! 我都感覺到佢當幾都幾關心我~! 有次又無啦啦買左幾個蛇果(即係蘋果)上黎我度俾我, 佢係代Thomas買喎, 不過隔左好多年之佢話我果原來係佢買既~!  不過果時諗佢真係當我係妹啫~ 都不以為以~!  我仲好懐念果時, 我哋4個一齊去Execsior頂樓果Lounge度飲野~ 我果時都未落過去呢啲地方既, 真係叫我叫咩野飲都唔識叫呀~! 係果度, 個feel係幾好! 不過, 我記得我多數係冇乜發言, 淨係識得笑果個~! 又一齊去卡拉ok, 我有記得阿哥佢唱果首”我的天,我的歌”既投入, 我唔知係咪因為佢剛失戀, 所以先係咁, 哈~ 仲要企係度唱添~! 之後, 阿哥可能見阿thomas冇乜主動, 竟然係佢向我表白… 佢話係唱k時, 有唱一首歌借意係話唔想做我阿哥, 想同我一齊~ 其實我有乜吸引佢鍾意我想追我呢?? 真係意想唔到~ 會唔會初初都係只想試下玩下呢? 可能係拍下散拖呢~! 

事後, 佢約我去佢筲箕灣既屋企, 我都唔記得做咩呀~ 好似係睇戲喎~! 有啲模糊喇~! 我記得佢俾晒佢以前女友既相我睇, 尤其是佢剛分手果個, 我當時感覺到佢, 佢對佢仲有留戀, 係仲好唔捨得! 我諗當時佢哋分手都係一時衝動, 鬥咀落唔到台先咁啫~! 唉~! 我果時對分析愛情呢啲野邊度識咁多丫~! 好單純咁如果佢同我一齊一定唔會令到佢再有咁既樣~! 坐離開坐巴士果陣, 佢打俾我! 返到屋企開ICQ, send message叫我做佢女朋友, 應承左咪開始囉~!

而家我留意返, 當見面時, 都係傾談啲正經話題多, ICQ時就會講啲面對面唔敢講,同埋一齊要求我點做既說話! 講電話, 會講下感受同埋啲甜言蜜語既說話, 我真係好懐念果時, 佢每次打俾我, 每一段情話, 每一個笑話! 同好浪漫咁點歌黎傳情, 都令我感受好深, 慢慢加深咁愛佢, 佢總會係令我笑~! 但係話佢令我第一次動心既, 我地去街第一次既拖手, 我地兩個相方望一望, 好似好有默契咁就拖左手喇~! 之後, 我隱形眼鏡可能太乾無端端咁甩左出黎, 我估唔到既佢非常緊張, 買左支蒸餾水浸住隻CON先, 跟住拖住我四圍去搵眼鏡舖幫我清洗返乾淨, 俾我戴返~! 幾型呀! 嘩~! 我果時好touch feel呀! 之前既係好感!~  果刻, 我真係鍾意佢喇~! 果時既小妹妹, 係幼稚啲喇!! 跟住又試過好温馨咁一齊睇下電視, 去街市買餸, 煑下飯咁.. 我仲未忘記到果時既感覺~!

其實我承應當時我真係唔識去拍拖, 唔識同佢相處, 唔識去愛佢, 俾唔到感受佢我係愛佢既~! 所以佢往往要求我要點做點做呀咁… 成日話佢ex女友會咁咁咁呀….以為聽佢話就ok喇! 但係我果時覺得好辛苦, 因為我覺得佢好似想改變我做另一個人咁, 不過佢講既有啲啱, 有啲唔啱啦~! 不過係我自己問題多! 唔係好識講野, 俾人感覺好似好個體咁, 俾佢感覺唔到我需要佢既感覺, 我太硬朗呀!! 女人最大既本錢”温柔+軟弱+扭拎+妰嬌”都唔識利用!~ 真係蠢呀!! 哈~! 其實每個男人都受既!~ 作為女仔既, 都想受人呵護啫~! 不過, 就係有過啲咁既經歷, 感受過, 過後既人,我都唔用呢啲野同其他人比較, 我知好唔開心, 每個人都有唔同既個性架啦, 人比人比死人呀!! 適合既, 咪一齊囉, 唔適合既, 咪第二個囉! 哈! 所以我覺得發生好多唔開心既事之中, 從中學習到好多野, 令到自己既睇法會有轉變!

講返~ 我當時真係毫無介心咁投入呢段愛情!~ 佢話我知, 佢ex女友搵返佢出黎飲野, 我果時係好信人架, 我又真係有懷疑過佢地出黎會傾啲乜, 做啲乜!~ 過左幾次, 佢問我點解唔check佢, 唔緊張佢, 點解咁信任佢? 我當時真係唔識答,唔識去處理呀~!  係我小妹妹, 點去應付咁複雜既關係呢? 佢咁問~ 估計其實已經發生左問題喇~!

有一日, 態度開始轉淡.. 開始失去聯絡..我當時….好無助!~ 淨係覺得好辛苦.. 好傷痛.. 滿腦子都係”點解?” 電話唔聽! ICQ唔覆!! 我係好黑人憎咩? 係既話, 都應該話我知丫! 俾人判左死刑都唔知點解? 果段日子, 唔識笑, 無端端返緊工企係度都可以係度喊, 係突然豪喊果隻~! 周圍既同事, 朋友真係十分之擔心我!~ 嚇得佢哋要死呀!! 因為我可能平時係佢地心中係一個好樂天既人, 成日都笑, 係又笑唔係又笑, 都未見過我咁既~! 其實我當時悲傷之餘, 最辛苦既, 係冇講清楚, 就咁就失左踪~! 講一句分手呢個係咪好難呢? 唔再鍾意我既, 都可以坦白啫, 我寧願傷心好過痛苦, 唔知道發生咩野事個心情好難受! 果段時間, 好彩我啲朋友晚晚都陪我去街, 成班人都嘻嘻哈哈咁, 令我分心, 令我暫時忘記左傷痛~! 咁啱, 又有個差佬想追我! 對我好好, 好關心我!~ 令我感覺到冇左佢, 其實我仲有好多朋友, 仲會有其他人啫~! 平時已經好珍惜朋友既我, 比以前更加珍惜! 可能就係咁, 到而家我都係, 我會擺朋友係先過我伴侶, 我係會對我朋友好好! 有啲乜野要幫要做, 我都會盡力去做! 事實上, 係最低潮或者唔開心既時候, 朋友係身邊係好緊要既~! 但係始終關係未明朗, 都仍然有條刺係度吉住咁… 到有晚, 佢終於係icq出現, 我當然緊係捉住佢講清楚啦~! 講左分手之後, 喊左一場! 第二日表面上冇事喇! 接受左現實, 始終有冇佢係度我都要生活啦, 我以後應該生活得開心啲先啱既! 就係咁堅持住呢個信念! 唔捨得放手都要放手啦, 佢既然選擇返ex, 我實有係好多比唔上佢既地方, 事實上都係既, 我有好多野都滿足唔到佢既需要, 我諗ex係俾我更合適, 同埋我明白以前佢哋一齊左4年既, 唔多唔少都有一定既感情, 同埋有可能牽涉到屋企人或者其他人咁! 只要… 佢認為選擇正確既, 佢哋一齊生活開心愉快, 佢開心, 雖然唔係一齊, 但係我都會開心架! 咁就叫告一段落喇~!

細路女, 好多情緒上既野, 自己都控制唔到, 唔識去處理! 經歷會令我慢慢成長~! 事情發生左, 都冇得改變啦~! 我有放低左件事, 唉~! 放係心度, 會令自己咪仲痛苦! 不過呢段時間太短暫呀! 哈~! 只得2個月, 好奇怪點解可以發生咁多事, 令我好深刻! 講俾人知好似聽我係度講故事咁!

唔同既階段去接受一份感情既感覺都唔同, 第一次係最真既, 尤其是係遇到佢! 可以令到我哋既感情發展得好快, 好touch, 心裏面既感覺就好似係接續既上一世既緣份咁! 基本上, 可能我地有好多野都好相近, 佢鍾意講野, 我又鍾意聽人講野; 佢有好多喜好, 我又鍾意陪人去分享同參與; 性格又大為相近, 有時對住佢, 好似對住我自己咁! 唔同既, 係佢做所有事情都叫快靚正, 相反我就拖到未到最後都唔做, 做既~ 可能只不過係七八成咁! 哈哈~!  經過左8年後既我, 發覺咁多年佢都一直係我心入面, 不捨不棄! 真係奇妙!!

我有究研過”好掛住你”呢包說話, 唔係個個人都識講同回應既~~! 好似初初拍緊拖, 第一次聽呢包說話令我好深刻~! 只回應左一句, “吓?” 咁囉, 因為我真係企左係度唔識答, 好似好尷尬咁, 把口好似硬左咁~ 而家我緊係應付自如啦~! 但係我有訪問或者求証過, 有啲乜野人會聽到呢句說話之後有咁既反應~~!

1) 未過拍拖既人– 就算真話好, 假話好, 第一次黎講都難以啟齒, 好怕羞咁, 就算答左有呀! 再問下一句:”有幾掛呀?”或者”有幾多呀?”呀咁~  哈~! 我相信就真係未有咁既轉數答住呀!!

2) 老夫老妻型– 盡在不言中嘛~!

3) 自尊心重既人– 聽完呢句說話之後, 往往通常都唔出聲~! 但係佢個心又好鬼死甜喎! 最鬼口硬就係呢種人呀~! 好多關心既說話都會擺埋係心度, 明明個心係咁諗既, 但係講出口既又係相反既說話, 要佢既伴侶慢慢要用個心黎感受先得, 有啲不懂溫柔既感覺~!

經過呢幾年拍拖既心得, 一對情侶想拍拖拍得耐, 溝通係最緊要既~ 最好就相方都識講野啦, 叫”口花”啦~! 有時講下啲肉麻野呀, 關心既說話呀, 談天說地咁呀~! 會感覺到相方大家係對方心目中有一定既存在價值! 有種不離不棄既感覺~! 有時keep住聽到對方講sweet既說話, 對保持相方既關係, 係好有幫助! 有時啲說話唔講唔知架嘛~!

我諗熟悉我朋友都知我鐘意啲乜, 玩啲乜, 鐘意做啲乜! 哈~~ 緊係啦~ 我實在見到同接觸到果樣事物果時個表情太跨張呀~!

1)   每個小朋友果時, 緊係個個都鐘意睇卡通片, 或者某幾個卡通人物啦~! 我細個時都係咁諗~! 但係原有大個左, 我都係咁鐘意睇卡通片, 尤其係我細個年代播既卡通片添~ (例如: IQ博士, 忍者小靈精, 叮噹, 我係小忌廉, 外星小美兒, 魔神英雄傳, 神奇小子, 甜甜小公主, 我媽媽是小學四年級生, 咕嚕咕嚕魔法陣, 綠野仙踪, 甜甜小公主, 大力水手, 相聚一刻, 長腳叔叔, Q太郎, 藍精靈, 龍珠, 聖鬥士星矢, 千年女王, 俏皮份野貓……)真係講唔晒咁多呀~! 我都淨係講左電視睇到既卡通片咋喎~! 仲有動話呢? 宮崎駿啦, 廸士尼啦… 全部都睇過晒, 而家大個左仲周不時反睇添!! 啲FRIEND都頂我唔順呀~!

近呢幾年, 我仲貯埋FIGURE添! 像真度似既, 我一定會貯添呀!! 哈哈~~~! 簡直係瘋狂呀~! 不過都係只限我心儀果啲人物同以上果啲卡通片同心儀既小擺設啫~~ 嘻嘻~!! 一見到就想擁有佢~! 成日俾人話我幼稚~ 哈~ 係我童心未泯啫~!

2)   我都好鍾意WINNIE THE POOH~ 你知我呢個blog個名都用pooh呢個名都知啦~! 初頭都以為因為自己個名Winnie關係先鍾意, 但係睇睇吓佢又傻得黎幾可愛喎~! 無啦啦又鐘意埋佢~! 都好架! 有時買野唔駛諗買咩卡通人物好!~ 專一啲! 見到POOH就買啦!

3)   我係一個愛貓既人~! 係街度見到貓都會走去瞭下佢! 貓其實都好有靈性, 好聽話, 好需要人既關心呵護, 係唔多受人指揮啫~! 似我囉! 貓有的個性真係幾似自己既~! 如果養多幾隻貓, 細心啲去留意, 你會發現每隻貓既性格都係不一, 好似人一樣! 佢哋擺啲姿勢動態好可愛, 周圍跳, 周圍玩, 見到佢哋跑黎跑去, 係度玩, 見到佢哋就開心喇~!

4)   周杰倫既歌, 唯一係我不停咁聽都聽唔厭既~! 唔知點解~! 可能佢把聲TUNE啱我TUNNEL啦~! 尤其係佢唱啲慘情歌既時候, 加埋現場演唱, 嘩~! 真係好TOUCH到我個心!! 正!!

5)   有左數碼相機, 我好鍾意周圍影相, 特別係去旅行既時候, 見到咁悠美既風景, 新奇既事物, 值得紀念既東西, 同見到有feel既野鍾意既野, 我都會將佢影低落黎! 我唔識去影靚既相, 係我角度滿足到自己都足夠喇~!

6)   可能因為我識得釋放自己, 機動遊戲係完全難唔到我!!!~ 越刺激越啱!!! 令我最難忘既係日本富士急果個過山車, 仲要坐車頭第一排位喎~! 果種感覺難以形容呀!!! 哈哈~!!!!!

7)   講到食野我又好騎尼喎~! 一定係俾人鬧果隻呀~! 呢啲習慣我諗由我十八歲開始!

• ~我鍾意食麵包, 係冇饀, 唔甜果隻, 最鍾意慢慢撕出黎食, 尤其是方包, 通常半磅包, 會首先撕四邊既包皮食, 然後慢慢由四邊再撕黎食!
• ~我鍾意食老婆餅, 仲要係恆香喎, 我可以一次過食半打, 哈~ 奇怪呀? 因為我只係食外邊既餅皮嘛, 所以啲人話我好核突, 咁淨返啲餅饀邊個食呀咁.. 哈~ 願者咪食囉~!
• ~酥皮又係我至愛, 食蛋撻我又係飛左啲蛋唔食喎, 可能我唔係咁鍾意食好甜既野啦~! 
• ~甜品我唔會特別喜好, 但係我非常之鍾意食tiramsu, 好奇怪, 我又唔鍾意飲咖啡喎, 飲左我會眼瞓~! 所以唔知點解我咁鍾意食~!

到成廿幾歲女先知有呢啲咁既興趣同喜好, 算唔算遲呢???